Pages

16 September 2012

ఓజోన్ పొర మనకేం ఇచ్చింది ??


ప్రపంచ ఓజోన్ పొర పరిరక్షణా దినోత్సవ శుభాకాంక్షలు



ఓజోన్‌ పొరను దెబ్బతీస్తున్న పదార్ధాల నియంత్రణకు గాను రూపొందించిన మాంట్రియల్ ప్రొటోకాల్‌పై ప్రపంచ దేశాలు 1987 సెప్టెంబర్ 16న సంతకాలు చేశాయి. భూమ్మీద కాలుష్యం కారణంగా దెబ్బతింటున్న ఓజోన్ పొరను పరిరక్షించేందుకు ఈ ఒప్పందాన్నిరూపొందించారు.
తర్వాత 1995 నుంచి ప్రతి సంవత్సరం  ఓజోన్ పొర రక్షణ కోసం రూపొందించిన మాంట్రియల్ ప్రోటోకాల్‌పై ప్రపంచ దేశాల మధ్య ఒప్పందం కుదిరిన సందర్భంగా ఈ తేదీని ఓజోన్ పరిరక్షణ దినంగా ప్రపంచమంతటా జరుపుకుంటున్నారు.

సూర్యుని నుంచి వెలువడే అతినీలలోహిత కిరణాల 
బారినుండి, సకలజీవరాశులును కాపాడుతున్న 
రక్షణాకవచం ఓజోన్ పొర.మూడు ఆక్సిజన్ 
పరమాణువులు కలసి ఓజోన్ అణువుని 
ఏర్పరుస్తాయి.
భూమి పై నుంచి 20నుంచి 30 కిలోమీటర్ల ఎత్తులో స్ట్రాటో ఆవరణం కింది భాగంలో ఓజోన్ పొర 
వుంటుంది.మొదటి సారిగా 1913లో దీనిని గుర్తించిన  
ఫ్రెంచ్ శాస్త్రవేత్తలు హెన్రీ  బైసన్  మరియు  చార్లస్ ఫాబ్రే లు. 
తరువాత బ్రిటిష్ శాస్త్రవేత్త డబ్సన్ దీనిపైన విస్తృతమైన 
పరిశోధనలు నిర్వహించారు. ఆయన గౌరవార్థం ఓజోన్
 
శాతంను డబ్సన్ యూనిట్లలో కొలుస్తారు.
సూర్యుని నుండి  వెలువడే  ప్రమాదకర  కిరణాలను
 
97 నుంచి 99 శాతం వరకు
 అడ్డుకుంటాయ్. 
ఓజోన్‌ తరిగి పోయే విధానం ప్రధానంగా
మూడు దశలలో  జరుగుతుంది.
మొదటి దశః మానవ సంబంధిత కార్య కలాపాల 
వల్ల ఈ సి.ఎఫ్‌.సి ఉత్పత్తి జరిగి వాతావరణంలోని 
ఓజోన్‌ పొరకు చేరతాయి .
రెండవ దశః సూర్యుని నుండి వచ్చే అతి నీల లోహిత కిరణాలు సి.ఎఫ్‌.సి ని విచ్చిన్నం చేసి  క్లోరీన్‌ని విడుదల చేస్తాయి.
మూడవ దశః ఈ క్లోరీన్‌ పరమాణువులు ఓజోన్‌ అణువును విచ్చిన్నం చేసి ఓజోన్‌ పొర తరిగి పోయేటట్లు చేస్తాయి.
మనం మితిమీరిన స్థాయిలో ఇంధనాల్ని వాడడం వల్ల నత్రజని ఆక్సైడ్‌లు వాతావరణంలో పేరుకుపోతాయి. మితిమీరిన మోతాదులో ఎయిర్‌కండిషనర్లు, రిఫ్రిజిరేటర్లు వాడితే అందులో ఉపయోగించే ఫ్రియాన్‌ వంటి ఫ్లోరీన్‌ సంబంధిత వాయువుల పరిమాణం గాలిలో ఎక్కువ అవుతుంది. టైర్లు, రబ్బర్లు, ఇతర ఆధునిక ప్లాస్టిక్కుల వాడడం వల్లనూ, వాటిని కాల్చినపుడు క్లోరీన్‌ సంబంధిత సేంద్రియ పదార్థాలు వాతావరణంలో పెరుగుతాయి. ఇలా నత్రజని, సల్ఫర్‌ ఆక్సైడ్‌లు, క్లోరోఫ్లోరో కార్బన్‌ పదార్థాలు ఎక్కువయితే వాతావరణంలో మునుపెన్నడూ జరగని విధంగా రసాయనిక చర్యలు జరుగుతాయివాటి కారణంగా ఓజోన్ పొర పలుచబడుతుంది. 



No comments:

Post a Comment